Hvað gerist ef margir taka sig saman um að brjóta óskrifaðar reglur? Hér er frétt um franska stráka sem mættu í pilsi í skólann til að styðja jafnrétti. Hvað myndi gerast ef allir strákarnir í bekknum myndu mæta í pilsi í skólann? Hvernig væri þeim tekið?
Hvað gera stelpur í Afganistan sér til skemmtunar? Örugglega margt og sumar æfa hjólabretti. Á Íslandi hefur verið líka verið átak í að kynna hjólabretti fyrir stelpum sjá mbl.is og youtube.com.
Rannsakaðu óskrifaðar reglur um stráka og stelpur. Hvað mega strákar ekki gera og hvernig eiga stelpur að haga sér? Hvað gerist ef margir taka sig saman um að brjóta reglurnar?
Eru alltaf fleiri strákar en stelpur í barnaefni sjónvarpsins? Farið á rúv.is og veljið teiknimyndir. Teljið strákana og teljið stelpurnar.
Stenst uppáhalds bíómynd þín Bechdel prófið eða fellur hún? Hvað er Bechdel prófið? Það er afar einfalt próf: Gúgglaðu „Hvað er bechdel“ og finndu spurningarnar 3 sem bíómyndin verður að standast. Hér er grein sem útskýrir Bechdel prófið og sögu þess.
Hvað finnst strákum og stelpum gaman að gera í Strumpalandi? Ha bíddu nú við er bara ein stelpa í öllu strumpalandi en 100 strákar? Er það ekki eitthvað skýtinn heimur? Hvað finnst ykkur? Eru fleiri þættir eða bíómyndir þar sem aðeins er ein stelpa. Strympu heilkennið má finna víða. Í þessari morgunblaðsgrein er fjallað um strympulögmálið.
Hvernig eru pabbar og mömmur í auglýsingum, hvað gera pabbar og hvað gera mömmur? Berðu saman við þína fjölskyldu. Gefa auglýsingar raunsanna mynd af fjölskyldum? Gerið ykkar eigin auglýsingu sem brýtur upp staðalímyndir.
Hetjur í teiknimyndum og bíómyndum. Finnið bæði strákahetju og stelpuhetju og fjallið um hana.
Stofnaðu félag sem berst fyrir jafnrétti. Hannið stefnuyfirlýsingu félgsins (e. manifesto) og gerið plaköt. Á vefnum má finna mörg dæmi um fallega hannaðar stefnuyfirlýsingar (dæmi, sjá mynd).
Námsbækur eru gagnrýndar fyrir að fjalla lítið um konur, börn og fólk sem hafði ekki mikil völd, hvernig er þetta í þínum sögubókum? Er fjallað um eitthvað annað en það sem virðulegir karlar voru að gera?
Finndu gamla ljósmynd af börnum eða fátæku fólki við störf. Rannsakaðu og lýstu myndinni og hvað getur myndin sagt okkur um líf karla, kvenna eða barna á þessum tíma. Leitarorðið óþekkt eða börn gefur oft góðar niðurstöður: Ljósmyndasafn Austurlands, Ljósmyndasafn Akraness, is, myndasafn.skagastrond.is, myndasafn.isafjordur.is.
Gerðu könnun. Hvort búa strákar eða stelpur við meira frjálsræði? Leyfa foreldrar strákum meira en stelpum? Það má skoða útivistartíma (ótakmarkað, þarf að vera komin heim kl 8, 9 eða 10) og tölvutíma (ótakmarkað eða 30 mín á dag eða….), háttatíma (oftast að hátta kl 9 eða oftast kl 10 eða). Gott að miða við virka daga frekar en um helgi.
Gerðu könnun. Fá stelpur og strákar í skólanum þínum jafnmikinn vasapening? Reyndu að safna eins mörgum þátttakendum og þú getur í skólanum öllum.
Hvernig geta börn í dag undirbúið sig fyrir framtíðina til að verða sjálfbjarga og fær í flestan sjó?
Er femínistafélag í skólanum þínum?
Skoðaðu áhugaverðar kvennahreyfingar í sögunni: konurogstjornmal.is, tímaás um áfanga í sögu íslenskra kvenna. Á vefsíðu Kvennasögusafnsins má t.d. finna góðar upplýsingar um Rauðsokkahreyfinguna
Skoðaðu grasrótarsamtök sem berjast fyrir mikilvægu málefni. Hverju vilja þessi samtök til dæmis breyta: Líkamsvirðing, Stelpur rokka sumarbúðir
Hvernig verður samfélag framtíðarinnar? Verður meira jafnrétti? Lýsið ykkar framtíðarsýn og væntingar, gerið myndband um hvernig jafnréttismálin munu þróast í íþróttum, á vinnumarkaði, á heimilunum og í fjölmiðlum. Í þessu myndbandi um heimili framtíðarinnar frá 1957 sést vel að fólk sá ekki fyrir þá breytingu að í framtíðinni væru konur farnar að vinna úti og karlar að setja í uppþvottavélar.